TOTA PULCHRA ES, O MARIA

Tota pulchra es  (video sur Youtube)

 1. Tota Pulchra es, O Maria, tota pulchra es, 

Et macula non est in te.

Quam speciosa, quam suavis in deliciis

Conceptio illibata !

R. Veni, veni de Libano, veni, veni de Libano, veni, veni, coronaberis.

2. Tu progrederis ut aurora valde rutilans,

Affers gaudia salutis.

Per te ortus est Christus Deus, sol justitiae,

O fulgida porta lucis.

3. Sicut lilium inter spinas: inter filias

sic tu Virgo benedicta.

Tuum refulget vestimentum ut nix candidum,

Sicut sol facies tua.

4. In terra nostra, vox audita, vox dulcissima :

Vox turturis, vox columbae.

Assume pennas, O Columba formosissima!

Surge, propera et veni.